As jo op de sintrale as fan Nijegea nei Sumar ride, sjogge jo fan fierren al de prachtige iisbaan fan Sumar.
Winterdeis is it in prachtich idyllysk plaatsje as de baan iepen is en boppe al as de ferljochting juns op de
baan oan is.
IIsklup "de Bleense" sa't de offisjele namme is neffens de statuten, waard oprjochte op 9 jannewaris 1893
(dit is dus al 130 jier lyn). De oarsprong fan de iisbaan is net op lokaasje sa’t wy dy no kenne, mar by
de “lytse Mar” efter de pleats fan de famylje Hiddema en wer letter op it yndustryterrein fan Sumar oan it
Prinses Margrietkanaal. Troch de utwreiding fan it yndustryterrein wie der jierrenlang gjin iisbaan yn Sumar,
oant yn 1982 in oantal doarpsgenoaten yn aksje kaam foar in nije baan, dy kaam op it hjoeddeiske plak oan
de Garyperhoeke sa't it kruspunt eartiids neamd waard.
IIsklup "de Bleense" is ien fan de ferienings ut Sumar dy't in eigen klupgebou hat.
Dit gebou is yn de tachticher jierren makke troch de leden fan de iisbaanferieniging,
en waard yn 2016 wat wizige en renovearre. Troch de komst fan de Sintrale as waard de baan wat
feroare en wy der in oare yndieling fan it klupgebou.